Ove su školske ljete vučeniki 1. TUB, 1. Ub i 2. ETU razreda sudelovali h projektu Kajkaš KAJ? 3 društva Kajkaviane i partnerskih školi. Projekt se zalaže za očuvanje našega liepog kajkavskog narečja, posebne med decom. Naši su se vučeniki spominali na kajkavskem, čitali i pisali, poslušali predavanja nastavnic z susedneh srednjeh školi Gimnazije Antuna Gustava Matoša i Škole za umjetnost, dizajn, grafiku i odjeću. K nam je vu školu došel i umetnik Grgo Petrov teri je predstavil svoju risanku na kajkavskem o Imbre Houstovnjaku z Bistrice. Vučenice Mia Cujzek i Petra Cesarec z 2. ETU dobile su i nagrade za mim teroga su napisale na kajkavskem. Na kraju sme si skup mišljenja da bi se tak več put trebali spominati i družiti da se naš materinski jezik ne pozabi. Ake neke od ove viesti nieste razmeli, slobodne nam se pridružite h sličnem projektem druge ljete.

nastavniki Hrvatskoga jezika i mentori:

Tin Krznar

Marijana Ivanković Škrinjar